سايق عليك الوطن

يا زارع حبات القمحة
يا مخضر ضفات النيل
نفسى بلدنا تدوق الفرحة
وتشوف فجر نهاية الليل
هيلا هيلا
قولها ويايا
هيلا هيلا
القهر كفاية
وحاسبهم دول ردموا النيل
..
ليه أعادينا ف أرضنا سارحة
ليه حكامنا سقونا الويل
إقطع شجرة خوفك واصحى
صوتك للحرية دليل
هيلا هيلا
الكلمة بداية
هيلا هيلا
وخرسنا كفاية
قوم رجع للقلب الفرحة
إحنا وحشنا غنا المواويل
دوس على إبر الشوك الجارحة
مشتاقين لصهيل الخيل
هيلا.. هيلا